edition
Almaalouma
  • أخبار
  • مقالات
  • إنفوجرافيك
  • فيديو
  • كاريكاتير
  • تقارير
  • ترجمة
  • الذكاء الاصطناعي
  1. Home
  2. مقالات
  3. طريق الحرير,,موضوع جدلي بالعراق..!
طريق الحرير,,موضوع جدلي بالعراق..!
مقالات

طريق الحرير,,موضوع جدلي بالعراق..!

  • 13 Jul 2023 19:12

كتب / عبد محمد حسين الصافي ||

ماكو موضوع جدلي بالعراق مثل موضوع طريق الحرير الصيني. جدل، نقاشات حادة، مؤتمرات، تجمعات، ندوات، تخوين.
صدكَوني قريت منشور يكَول كل واحد يشكك بطريق الحرير أو يعترض عليه فهو مشرك وكافر ومنافق.
تبتلي حتى تتساءل عن وجود طريق أو خارطة تجيك الأتهامات من كل صوب.
أسألكم بالله؛
الأستاذ كريم بدر عراب مشروع الحزام والطريق، مو كل مايطلع تطلع وياه خرائط ع الشاشة، ويقدم شروحات تفصيلية عن مسارات الطريق والدول والبحار اللي يمر بيها؟ وشلون الطريق وحسب الخرائط يدخل العراق مرة عن طريق الباكستان ايران ومرة عن طريق تركمانستان اذربيجان ايران أو عن طريق الخليج العربي.
ويبتلي واحد يستشكل أو يتساءل حتى وصل الأمر بالسيد كريم بدر أن يسخر من زميل له كاتب معروف ويصفه بأنه ” إنت بكَال شمفهمك بهاي الأمور” لمجرد أنكر وجود خارطة لطريق الحرير!
هذا هو سفير الصين في بغداد بنفسه يؤكد إن مشروع الحزام والطريق هو مشروع توطين صناعات مو خرايط ومسارات وماكو شي أسمه خريطة..
ترقبوا جدلية جديدة قادمة أسمها توطين الصناعة الصينية في العراق بديلاً لجدلية خارطة الحزام والطريق اللي خلف الله على سفير الصين خلصنا منها.
وماأدري اذا كان من حق الناس تسأل عن الجدوى الأقتصادية لإقامة مصنع صيني في العراق لأنتاج مبردات على سبيل المثال، بسبب كلفة تجهيز الكهرباء الباهظة، والأيدي العاملة صينية لو عراقية، اذا صينية شنو الفايدة من التوطين، واذا عراقية فكلفة الأيدي العاملة العراقية أضعاف الصينية وبالنتيجة راح تكون كلفة اضافية على سعر المبردة وأكيد راح يكون سعرها اكثر من سعر المستوردة.
ماأدري من حق الناس تسأل هيج أسئلة لو هم يطلعلهم واحد يكَلهم “إنتم بكَاكَيل شمفهمكم بهاي السوالف”؟!!

الأكثر متابعة

All
باسل عباس

التفاوض .. مهارات وأنواع لحل الخلافات والنزاعات

  • 21 Apr
هل سيذهب الوفد الإيراني الى “اسلام اباد” للقاء نظيره الأمريكي بعد مجزرة لبنان؟ ولماذا أقدم نتنياهو عليها بعد ساعات من وقف اطلاق النار؟

هل سيذهب الوفد الإيراني الى “اسلام اباد” للقاء...

  • 9 Apr
لماذا السكوت العربي على استمرار العدوان الصهيوني-الامريكي على العراق؟

لماذا السكوت العربي على استمرار العدوان...

  • 17 Mar
حِلْفُ الخليج العربي–الفارسي–الإسلامي … الآن وليس غدًا!

حِلْفُ الخليج العربي–الفارسي–الإسلامي … الآن وليس...

  • 17 Mar
ثقافة بلا دين لا تعتبر ثقافة
مقالات

ثقافة بلا دين لا تعتبر ثقافة

خطيئة التهميش في بورصة الحكومات
مقالات

خطيئة التهميش في بورصة الحكومات

أكاذيب ترامب وور طته الحالية
مقالات

أكاذيب ترامب وور طته الحالية

لماذا ذهب ترامب إلى بكين في ذروة الأزمة الإيرانية؟
مقالات

لماذا ذهب ترامب إلى بكين في ذروة الأزمة الإيرانية؟

Almaalouma

المعلومة: وكالة اخبارية عامة مستقلة، تتميز بالجرأة والموضوعية والمهنية والتوازن،شعارها، خبر ﻻ يحتاج توثيقا، لدقة وتنوع مصادرها الخاصة وانتشار شبكة مراسليها

الأقسام

  • أخبار
  • مقالات وكتاب
  • فيديوهات
  • كاريكاتير
  • تقارير
  • ترجمة
  • منوعات
  • انفوكرافيك

روابط مهمة

  • سياسة الخصوصية
  • من نحن
  • اتصل بنا

تابعونا