edition
Almaalouma
  • أخبار
  • مقالات
  • إنفوجرافيك
  • فيديو
  • كاريكاتير
  • تقارير
  • ترجمة
  • الذكاء الاصطناعي
  1. Home
  2. راضي المترفي
  3. مقالات
  4. مليارات الضريبة
راضي المترفي
راضي المترفي
مقالات

مليارات الضريبة

  • راضي المترفيراضي المترفي
  • 25 Oct 2022 15:32

كتب / راضي المترفي

تجمعنا في مقهى المحلة القديمة الذي كان يوما ما يعتبر على أطراف بغداد رغم انه الآن عقدة المواصلات ومركز الازدحام وكان عامل المقهى عبر الستين برهاوة عداء ماراثون دولي وكان دائما تجمعنا بمواعيد غير ملزمة وخاف واحد يسأل اشلون يعمن غير ملزمة صار .. الغير ملزمة احنا متفقين نتواجد اهناه بهاي الكهوة الصاحبها حلف بالشيخ أكثر من مرة انه كان عنده كهوه قبل عام ١٩٥٨ في منطقة باب الشيخ من جهة الخلاني وهذا كاره وكار ابوه وجده وبس واحد يلح وياه يحلف هالمرة بالخلاني أن جده الأول فتح كهوه بالكرخ من كان الرشيد ولي عهد أما العامل فسالفته سالفه واوف من يفصلها تفصال ويكول اجيت للدنيا بالستين قبل لا تصير الثورة ومن صارت الحرب اني مكمل ٢٤ شهر من الستة وثلاثين مال الخدمة الإلزامية وناموا على خوانيكنا إلى ما وره بيان البيانات يله فكو ياخه ورجعت اشتغل عامل كهوه .. أيا ظالم خمسين سنة ما تعلمت غير اتجيب جاي وتأخذ البوش فهمني انت شظام دماغ انشتاين وساكت تالي حلف كال والله ما عدنا عباله الانشتاين كهوه بالفستق ، المهم سالت ابو الكهوه يشيلها عقلك فلوس الضرائب تنباك ؟ ضحك حتى طلعت آخر سن صفره منخورة بفجه القريب من ملعب الشعب وقال ..

لاتصدك شي ينباك من الحكومة لان المواطن دائما يخاف من الحكومة وابد ميزغلط وياهم وبس يريد يتجفى شرهم وبعدين انت شايفهم كم مرة يوقعون على الاستلام والتسليم وهم من كاعهم حرامية بطرق قانونية وابد محد يكدر يبوكهم . لعد اشلون انباكت فلوس الضرائب مليارين ونص ؟

خو من كلامك الشغلة مبينه مو بوكه لان منو يبوك هيج مبلغ واشلون يعبره وفوكاها ينراد تريله ورافعه حتى تعبيها مثل ماسواها صدام وابنه قصي من حملوا بتريله ثلاث مليارات قبل السقوط بيوم لو يومين . يعني هسه شنو ؟

يعني لا بوكه ولا هم يحزنون الجماعة عرفوا نهاية الفلم فلفلفوها واتفقوا على تقسيمها بعدين العصابة الثانية فكست بيهم فشرتهم على الحبل حتى بسد هاي المليارين تضيع مليارات من زمن حفرة بطل التحرير إلى آخر يوم لبيت مشتت بالحكم .

راضي المترفي

راضي المترفي

الأكثر متابعة

All
“الناس على دين الملوك” أم “كيفما تكونوا يولى عليكم”

“الناس على دين الملوك” أم “كيفما تكونوا يولى عليكم”

  • 17 May 2023
آراء وملاحظات حول الامتحان التنافسي للقبول في الدراسات العليا للجامعات

آراء وملاحظات حول الامتحان التنافسي للقبول في...

  • 14 Jul 2024
مركز الثقل في عملية “طوفان الأقصى “

مركز الثقل في عملية “طوفان الأقصى “

  • 16 Oct 2023
من يملك قرار حفظ سماء العراق  ومن يمنح واشنطن وتل أبيب حرية الحركة؟

من يملك قرار حفظ سماء العراق  ومن يمنح واشنطن وتل...

  • 25 Oct
شتاء أوروبا السياسي: ما بعد احتجاجات أكتوبر..!
مقالات

شتاء أوروبا السياسي: ما بعد احتجاجات أكتوبر..!

صندوقُ النقدِ الدولي وفخُّ الإقراضِ الجديدِ للعراق
مقالات

صندوقُ النقدِ الدولي وفخُّ الإقراضِ الجديدِ للعراق

رئيس مجلس الوزراء والنواب الاربعة ، والمادة 139 من الدستور العراقي
مقالات

رئيس مجلس الوزراء والنواب الاربعة ، والمادة 139 من الدستور...

” حوبة ” بوتين
مقالات

” حوبة ” بوتين

Almaalouma

المعلومة: وكالة اخبارية عامة مستقلة، تتميز بالجرأة والموضوعية والمهنية والتوازن،شعارها، خبر ﻻ يحتاج توثيقا، لدقة وتنوع مصادرها الخاصة وانتشار شبكة مراسليها

الأقسام

  • أخبار
  • مقالات وكتاب
  • فيديوهات
  • كاريكاتير
  • تقارير
  • ترجمة
  • منوعات
  • انفوكرافيك

روابط مهمة

  • سياسة الخصوصية
  • من نحن
  • اتصل بنا

تابعونا