edition
Almaalouma
  • أخبار
  • مقالات
  • إنفوجرافيك
  • فيديو
  • كاريكاتير
  • تقارير
  • ترجمة
  • الذكاء الاصطناعي
  1. Home
  2. راضي المترفي
  3. مقالات
  4. مليارات الضريبة
راضي المترفي
راضي المترفي
مقالات

مليارات الضريبة

  • راضي المترفيراضي المترفي
  • 25 Oct 2022 15:32

كتب / راضي المترفي

تجمعنا في مقهى المحلة القديمة الذي كان يوما ما يعتبر على أطراف بغداد رغم انه الآن عقدة المواصلات ومركز الازدحام وكان عامل المقهى عبر الستين برهاوة عداء ماراثون دولي وكان دائما تجمعنا بمواعيد غير ملزمة وخاف واحد يسأل اشلون يعمن غير ملزمة صار .. الغير ملزمة احنا متفقين نتواجد اهناه بهاي الكهوة الصاحبها حلف بالشيخ أكثر من مرة انه كان عنده كهوه قبل عام ١٩٥٨ في منطقة باب الشيخ من جهة الخلاني وهذا كاره وكار ابوه وجده وبس واحد يلح وياه يحلف هالمرة بالخلاني أن جده الأول فتح كهوه بالكرخ من كان الرشيد ولي عهد أما العامل فسالفته سالفه واوف من يفصلها تفصال ويكول اجيت للدنيا بالستين قبل لا تصير الثورة ومن صارت الحرب اني مكمل ٢٤ شهر من الستة وثلاثين مال الخدمة الإلزامية وناموا على خوانيكنا إلى ما وره بيان البيانات يله فكو ياخه ورجعت اشتغل عامل كهوه .. أيا ظالم خمسين سنة ما تعلمت غير اتجيب جاي وتأخذ البوش فهمني انت شظام دماغ انشتاين وساكت تالي حلف كال والله ما عدنا عباله الانشتاين كهوه بالفستق ، المهم سالت ابو الكهوه يشيلها عقلك فلوس الضرائب تنباك ؟ ضحك حتى طلعت آخر سن صفره منخورة بفجه القريب من ملعب الشعب وقال ..

لاتصدك شي ينباك من الحكومة لان المواطن دائما يخاف من الحكومة وابد ميزغلط وياهم وبس يريد يتجفى شرهم وبعدين انت شايفهم كم مرة يوقعون على الاستلام والتسليم وهم من كاعهم حرامية بطرق قانونية وابد محد يكدر يبوكهم . لعد اشلون انباكت فلوس الضرائب مليارين ونص ؟

خو من كلامك الشغلة مبينه مو بوكه لان منو يبوك هيج مبلغ واشلون يعبره وفوكاها ينراد تريله ورافعه حتى تعبيها مثل ماسواها صدام وابنه قصي من حملوا بتريله ثلاث مليارات قبل السقوط بيوم لو يومين . يعني هسه شنو ؟

يعني لا بوكه ولا هم يحزنون الجماعة عرفوا نهاية الفلم فلفلفوها واتفقوا على تقسيمها بعدين العصابة الثانية فكست بيهم فشرتهم على الحبل حتى بسد هاي المليارين تضيع مليارات من زمن حفرة بطل التحرير إلى آخر يوم لبيت مشتت بالحكم .

راضي المترفي

راضي المترفي

الأكثر متابعة

All
ماجد زيدان

تصدير النفط عبر ميناء جيهان التركي

  • 27 May 2023
الموازنة للخلف در

الموازنة للخلف در

  • 2 May 2023
كريم المظفر

هل ستطلق البريكس رصاصة الرحمة على الدولار ؟

  • 26 Apr 2023
موازنة 2023 .. لا تزال صعبة المنال

موازنة 2023 .. لا تزال صعبة المنال

  • 4 Mar 2023
عشرة أسباب لعداء أمريكا لإيران
مقالات

عشرة أسباب لعداء أمريكا لإيران

هل أصبح العراق دارك ويب؟!
مقالات

هل أصبح العراق دارك ويب؟!

إلى متى يهان العراق ؟!
مقالات

إلى متى يهان العراق ؟!

باسل عباس
مقالات

وجهة نظر في موضوع: تأجيل بداية العام الدراسي الجديد

Almaalouma

المعلومة: وكالة اخبارية عامة مستقلة، تتميز بالجرأة والموضوعية والمهنية والتوازن،شعارها، خبر ﻻ يحتاج توثيقا، لدقة وتنوع مصادرها الخاصة وانتشار شبكة مراسليها

الأقسام

  • أخبار
  • مقالات وكتاب
  • فيديوهات
  • كاريكاتير
  • تقارير
  • ترجمة
  • منوعات
  • انفوكرافيك

روابط مهمة

  • سياسة الخصوصية
  • من نحن
  • اتصل بنا

تابعونا