edition
Almaalouma
  • أخبار
  • مقالات
  • إنفوجرافيك
  • فيديو
  • كاريكاتير
  • تقارير
  • ترجمة
  • الذكاء الاصطناعي
  1. Home
  2. مقالات
  3. طريق الحرير,,موضوع جدلي بالعراق..!
طريق الحرير,,موضوع جدلي بالعراق..!
مقالات

طريق الحرير,,موضوع جدلي بالعراق..!

  • 13 Jul 2023 19:12

كتب / عبد محمد حسين الصافي ||

ماكو موضوع جدلي بالعراق مثل موضوع طريق الحرير الصيني. جدل، نقاشات حادة، مؤتمرات، تجمعات، ندوات، تخوين.
صدكَوني قريت منشور يكَول كل واحد يشكك بطريق الحرير أو يعترض عليه فهو مشرك وكافر ومنافق.
تبتلي حتى تتساءل عن وجود طريق أو خارطة تجيك الأتهامات من كل صوب.
أسألكم بالله؛
الأستاذ كريم بدر عراب مشروع الحزام والطريق، مو كل مايطلع تطلع وياه خرائط ع الشاشة، ويقدم شروحات تفصيلية عن مسارات الطريق والدول والبحار اللي يمر بيها؟ وشلون الطريق وحسب الخرائط يدخل العراق مرة عن طريق الباكستان ايران ومرة عن طريق تركمانستان اذربيجان ايران أو عن طريق الخليج العربي.
ويبتلي واحد يستشكل أو يتساءل حتى وصل الأمر بالسيد كريم بدر أن يسخر من زميل له كاتب معروف ويصفه بأنه ” إنت بكَال شمفهمك بهاي الأمور” لمجرد أنكر وجود خارطة لطريق الحرير!
هذا هو سفير الصين في بغداد بنفسه يؤكد إن مشروع الحزام والطريق هو مشروع توطين صناعات مو خرايط ومسارات وماكو شي أسمه خريطة..
ترقبوا جدلية جديدة قادمة أسمها توطين الصناعة الصينية في العراق بديلاً لجدلية خارطة الحزام والطريق اللي خلف الله على سفير الصين خلصنا منها.
وماأدري اذا كان من حق الناس تسأل عن الجدوى الأقتصادية لإقامة مصنع صيني في العراق لأنتاج مبردات على سبيل المثال، بسبب كلفة تجهيز الكهرباء الباهظة، والأيدي العاملة صينية لو عراقية، اذا صينية شنو الفايدة من التوطين، واذا عراقية فكلفة الأيدي العاملة العراقية أضعاف الصينية وبالنتيجة راح تكون كلفة اضافية على سعر المبردة وأكيد راح يكون سعرها اكثر من سعر المستوردة.
ماأدري من حق الناس تسأل هيج أسئلة لو هم يطلعلهم واحد يكَلهم “إنتم بكَاكَيل شمفهمكم بهاي السوالف”؟!!

الأكثر متابعة

All
الهاتف الذكي بين الابتكار والتجسس الرقمي..!

الهاتف الذكي بين الابتكار والتجسس الرقمي..!

  • 7 Mar
مغادرة قواعد امريكا هو الحل..!

مغادرة قواعد امريكا هو الحل..!

  • 6 Mar
الممر مقابل المحور سيناريو الصدمة..!

الممر مقابل المحور سيناريو الصدمة..!

  • 26 Feb
العراق يقاوم التدخلات الخارجية في شؤونه

العراق يقاوم التدخلات الخارجية في شؤونه

  • 15 Dec 2025
كيف تتم سرقات المال العام ؟!
مقالات

كيف تتم سرقات المال العام ؟!

الانقلاب على الجولاني...
مقالات

الانقلاب على الجولاني...

منطق القوة: تحليل التدخل الامريكي و الغربي في تقرير مصير الشعوب..!
مقالات

منطق القوة: تحليل التدخل الامريكي و الغربي في تقرير مصير...

ديوان الرقابة المالية… عين الدولة التي لا تُسمع تقاريرها!
مقالات

ديوان الرقابة المالية… عين الدولة التي لا تُسمع تقاريرها!

Almaalouma

المعلومة: وكالة اخبارية عامة مستقلة، تتميز بالجرأة والموضوعية والمهنية والتوازن،شعارها، خبر ﻻ يحتاج توثيقا، لدقة وتنوع مصادرها الخاصة وانتشار شبكة مراسليها

الأقسام

  • أخبار
  • مقالات وكتاب
  • فيديوهات
  • كاريكاتير
  • تقارير
  • ترجمة
  • منوعات
  • انفوكرافيك

روابط مهمة

  • سياسة الخصوصية
  • من نحن
  • اتصل بنا

تابعونا